老上海飯店 (已搬遷) 新店位置

舊同學聚會，有人建議去灣仔食飯，因為大部分人都起港島區返工，大家商量食乜，⋯扎根北區的我完全沒有意見，仲好啦，不用諗。收工後，google 地址去到，老上海，一定係食上海野啦。同學有人係上海人，自動波點菜，對有選擇困難症的我，欣然接受。醉鴿、羊糕、海蜇！淸炒河蝦，醃篤鮮，火腿津白、韮黃鱔糊，烤麩，炒波菜和芹終炒豆腐絲醃篤鮮，原來是湯，有濃濃的金華火腿味，筍爽甜，香濃鮮甜，一飲就停唔到囗，醉鴿，做得非常出色，酒香，肉嫩，皮爽，非常入味。羊糕第一次食，有點像肴肉，但要點甜醬食，幾特別的一道菜～呢度的烤麩亦做得唔錯，好食，芹終炒豆腐絲，青爽。淸炒河蝦，蝦子彈牙鮮甜，韮黃鱔糊濃油赤醬，是我最喜愛的上海菜，送飯一流～！一間出色的上海菜，同學冇介紹錯。