臺北棧 (世貿中心)

營業中

休息中

今日同朋友行完銅鑼灣，就去左世貿食台灣野。我哋叫左話梅地瓜薯條，蒜香三色台腸，蒜泥台灣水蓮，招牌牛肉麵。話梅地瓜薯條：夠晒味既地瓜條炸起薄薄脆漿，外脆內熱。炸既時間岩岩好，同時應該尾鑊高溫迫返多餘既油出嚟令到地瓜條唔會有油膩感覺。蒜香三色台腸：蒜香爆令到菜式更野味可口，三色腸有著三種不同味道。蒜泥台灣水蓮：口感都幾特別，好有田園風味。新鮮蔬菜的感覺。招牌牛肉麵：餐廳用老字號兆記牛肉檔提供新鮮牛脂肪製成牛脂油，將牛脂油融入熱湯中更加有牛香味道。牛肉肉質好好，味道香濃。