八方庭

營業中

休息中

八方庭係屋企人同我最近好鍾意嘅一間酒樓🥳今次我哋叫咗幾個唔同嘅菜式，逐一同大家分享吓叫咗咩嘢食。首先就叫咗一個鴛鴦蝦球🤪，蝦球好鮮甜，蝦肉仲好彈牙！然後就係上湯澳洲大龍蝦😍，澳洲大龍蝦龍蝦肉質鮮甜爽口彈牙，烏冬又掛滿了上湯及龍蝦鮮味，好味！跟住仲叫咗豬手😋，有兩款唔同嘅豬手，就係德國脆皮豬手同川椒豬手，豬手都幾大隻，德國脆皮豬手炸到外皮又幾香脆，脆卜卜咁！川椒豬手外皮就煙煙韌韌，都幾夠辣，完全係兩種唔同嘅感覺。最後就係我好鍾意食嘅燒味，我就揀咗😘叉燒拼燒腩仔！叉燒蜜汁甜甜地好好食，肥瘦適中，燒腩仔外皮香脆！燒味質素唔錯！