新漢記飯店 (已搬遷) 新店位置

雖然位置偏僻，位於粉嶺聯和墟的一家客家菜，要專登揸車去食。但這裏有一些是外邊比較少見的客家菜。所以每隔兩三個月都會來食一次。今晚就食了其中呢幾樣，坊間比較少見的:正宗走地雞，肉不嚡亦不肥，雞皮較為厚身，雞味濃郁，通常都不再沾豉油或者蔥油，都已經好好味。煎九棍魚餅，沒有加其他魚一齊打成魚餅，熱辣辣，魚肉質彈牙，沾甜酸醬食，更加惹味。紅蔥爆連墨汁鮮吊桶， 曾經試過有兩次來到無得食，一上枱就聞到香噴噴，最愛原隻吊桶，連墨膽也沒拿掉，配上紅蔥頭和醬汁一齊爆香，一個字，正，外邊真係食唔到。