B.Two House (已結業)

今日食左個美式午餐。好有係美國食既feel。觀塘工廈其實真係隱藏好多美食。如果唔係朋友帶我去我都唔知有間美國野係度。叫左個辣烤雞bagel。美國野真係唔多食。見到bagel一上菜，原來係啡色的bagel。咬一口，bagel既質感好fluffy。少少實又有少少軟，bagel口感真係好味。眼見好似普普通通既包，但咬落去就勁鍾意個口感。雞肉有少辣，食得好開胃。仲有個西式餐湯飲。足料既忌廉餐湯，熱辣辣。裝係個杯度，好靚。觀感同口感都好。套餐仲有個甜品，朱古力蛋糕，睇落應該係自己整，但味道一啲都唔差，朱古力味濃。精緻既工廈餐廳，幾文青feel。食個餐吹下水最適合不過！