Foodbox (海光街) (已結業)

除咗上次介紹嘅秋子島，同一條街有另一間名為 foodbox嘅韓式餐廳，同樣主打定食，呢間味道啱我口味多啲，所以短時間就食咗兩次。不過最唔好係中間有落場時間，所以唔可以太晏出發。豬肉泡菜鍋 $70韓式小鍋直接上桌，香味撲鼻，夠哂地道。有泡菜、豬肉、豆腐，湯頭又熱又惹味，推介！海鮮豆腐湯 $70另一款熱焫焫推介，豆腐和泡菜以外，有少少海鮮，包括：八爪魚仔、蜆、蝦等等，最開心係有隻雞蛋，半生熟撈飯超正。牛肋骨湯 $95湯底清甜，牛肋骨又煮至軟腍，唔想食辣嘅另一個選擇。年糕餃子湯 $70澱粉配澱粉嘅好選擇，年糕煮得剛剛好，唔會好似擦子膠，食完好飽肚。