梨滿園韓國料理 (已結業)

好耐無飛過韓國啦😭好懷念韓式烤肉嘅味道，於是今晚就去梨滿園食返餐好嘅！五花肉可以話係食韓燒必點，呢度嘅豬五花一碟有三件，肥瘦適中，又夠大件，啱晒一眾食肉獸！加埋生菜一齊食，味道就更Fresh啦！另外醃牛肋肉嘅醬汁甜甜地，肉質好腍，非常開胃！而且份量好多，真係好抵食呀！最後，當然唔少得辣海鮮湯啦！湯入面除咗有蜆，仲有好多牛肉碎，飲落非常鮮甜。飲完一碗又一碗，超滿足呀～見到佢仲有得任食炸雞，下次一於黎試下！