The Americano By Texas Burger (已結業)

剛於週末逛荔枝角商場D2 place，商場前身為工廈，經活化後，地下至四樓變成商場。去到D2 place簡直好似發現新大陸一樣，既有一些售賣本地設計的店舖，又有兒童樂園如大型波波池同室內甩尾賽車，行完就去對面億利搵食。億利一樓之前食過墨西哥菜同台灣菜，今次食美國菜漢堡包。香港近年多咗好多做漢堡包出色的餐廳，天后的Texas Burger係其中一間，Americano係Texas Burger的姊妹店，店舖的面積更大，坐得更舒適，食物種類也更多，更似一間cafe。枱上有一樽浸泡一棵薄荷的水，味道有淡淡的薄荷味很清新好喝。兩人叫了一個晚餐車打芝士牛肉漢堡，另散叫路易斯安那什錦燴飯 。餐湯番茄羅勒湯內有好多番茄蓉，番茄同羅勒係絕配，羅勒的幽香提升對方的味道。此餐湯材料雖然簡單但味道甚佳。車打芝士牛肉漢堡中的酸瓜放在外面，可以除自己的喜好決定點食。濃味半溶的車打芝士與鬆軟多汁的漢堡很匹配，裡面仲有番茄同生菜。漢堡包很鬆軟很高，難以一口食盡所有材料。路易斯安那什錦燴飯材料很豐富，有青口、蜆、香腸、雞肉、洋蔥、辣椒、秋葵同番茄底的香飯，味道有少少辣，所有材料配合得很好。特別欣賞蜆肉，蜆肉肥大肉厚，