美心西餅 (天后站)

營業中

休息中

十世冇喺美心訂蛋糕，今次訂左個雙層雜莓幸福樂園。雙層雜莓幸福樂園  $328個蛋糕係藍莓醬夾心忌廉蛋糕，不過唔係好食到藍莓醬喎，主要係忌廉，不過夾心雜果唔係平時嗰啲平價生果，都係新鮮士多啤梨同藍莓，咁都好啲。蛋糕外面都有唔少新鮮士多啤梨同藍莓。蛋糕味道正正常常，白朱古力味道勉勉強強。造型其實都合格，同張相一樣，可惜至少兩塊朱古力小花薄到擺一陣就融左，相都未影喎。個蛋糕約2磅，直徑5.5吋，唔知係上層定下層，應該係下層卦。因爲朱古力小花好快就融左，只能比不合格。