Deer Kitchen (荃新天地) (已結業)

公司附近有一間以森系嘅打咭餐廳，都未去過，今日無甘忙，打算同同事去食下，打下咭。一個以綠色為主調嘅森系餐廳，環境非常舒適自然，俾人感覺好似置身於大自然之中。我哋叫左兩個set lunch及兩杯特飲。 紐西蘭草飼西冷配香濃燒汁西冷牛味濃，肉質鮮嫩多汁，配上燒汁味道更香濃，非常好食。而配菜有驚喜，是紫薯蓉，非常之特別，而且很香甜。保雲酥時令魚·芝士焗帆立貝配黑松露忌廉汁魚煎得香脆，尤其係魚皮，煎到脆卜卜，魚肉鮮甜，帆立貝表面焗得金黃酥脆，加上芝士同黑松露忌廉汁，味道濃郁而不膩，十分美味。飲品方面，我哋叫咗熱抹茶鮮奶同冷泡水果茶。熱抹茶鮮奶好香濃，抹茶味濃郁。而冷泡水果茶清新怡人，水果味道鮮明，飲落好解渴。