NY Garden (已結業)

NY Garden 位於北角和富美食廣場入口當眼位置，點了雜錦海鮮喇沙同恐龍美祿就收到取餐叫號器。美食廣場乾淨企理，裝備新穎，燈光明亮，坐得舒服。食物即點即做，所以都要耐心等候少許時間。雜錦海鮮喇沙$72：配料豐富，包括：大蝦、青口、蜆、肥牛、海南雞、半隻流心蛋等，食材新鮮，加上米線、芽菜、豆卜入晒喇沙湯底味，口感層次豐富~恐龍美祿$22：甜度剛好，入口透心涼。飲到底既冰沙都仲有朱古力麥芽，夠晒真材實料。