影片
更多
2023-12-22
56 瀏覽
海賀二人套餐🥢無花果蟹肉沙律嘅蟹肉量多而且非常鮮味🥗三文魚籽伴海雲醋好開胃～磯煮南非鮑魚🥢鮑魚同埋大根都相當入味，重點係煮得好軟身，咀嚼起嚟完全不費勁，旁邊嘅係鮑魚肝醬鵝肝🍳鵝肝好大塊，中間呈粉紅色，入口十分軟滑甘香，通常鵝肝都係配黑醋，今次配嘅係微酸嘅黑蒜醬，效果相當唔錯，多士都煎得非常香脆，三者加堆埋非常好食😋大蝦上枱嗰陣就已經聞到香噴噴，蝦肉好爽口鮮味，連蝦腳都脆到可以食埋，配蟹膏醬同埋香草多士🦐A4宮崎牛師傅推介5成熟，入面十分粉嫩，砌成骰子般嘅形狀能夠鎖住大量肉汁，好好食，份量亦相當慷慨，配松露醬同埋自家炸嘅獨子蒜蒜片，如果唔食牛嘅可以揀愛媛縣雞肉🥩炒飯有黑松露和牛或者櫻花蝦，我地揀咗每人一款，和牛炒飯重牛油同松露香，濃味一啲，櫻花蝦就會海鮮味重啲🍚甜品有抹茶芝士蛋糕或者南瓜紅豆湯🥣餐廳有分bar枱同埋普通枱，面積以鐵板燒店嚟講算係幾大，坐得闊落，平日夜晚嚟到都幾full booking，餐廳喺19樓望到靚靚維港景，cocktail都好出色，係特別日子慶祝嘅好地方～
無花果蟹肉沙律嘅蟹肉量多而且非常鮮味🥗
三文魚籽伴海雲醋好開胃～
磯煮南非鮑魚🥢鮑魚同埋大根都相當入味，重點係煮得好軟身，咀嚼起嚟完全不費勁，旁邊嘅係鮑魚肝醬
鵝肝🍳鵝肝好大塊，中間呈粉紅色，入口十分軟滑甘香，通常鵝肝都係配黑醋，今次配嘅係微酸嘅黑蒜醬，效果相當唔錯，多士都煎得非常香脆，三者加堆埋非常好食😋
大蝦上枱嗰陣就已經聞到香噴噴，蝦肉好爽口鮮味，連蝦腳都脆到可以食埋，配蟹膏醬同埋香草多士🦐
A4宮崎牛師傅推介5成熟，入面十分粉嫩，砌成骰子般嘅形狀能夠鎖住大量肉汁，好好食，份量亦相當慷慨，配松露醬同埋自家炸嘅獨子蒜蒜片，如果唔食牛嘅可以揀愛媛縣雞肉🥩
炒飯有黑松露和牛或者櫻花蝦，我地揀咗每人一款，和牛炒飯重牛油同松露香，濃味一啲，櫻花蝦就會海鮮味重啲🍚
甜品有抹茶芝士蛋糕或者南瓜紅豆湯🥣
餐廳有分bar枱同埋普通枱，面積以鐵板燒店嚟講算係幾大，坐得闊落，平日夜晚嚟到都幾full booking，餐廳喺19樓望到靚靚維港景，cocktail都好出色，係特別日子慶祝嘅好地方～
張貼
