J.moon

終於星期五啦，搵間舒舒服服既餐廳同男朋友撐枱腳先！今日黎到旺角呢間以月亮做主題既西餐廳，裝修好吸引啊😍😍我驚熱，所以簡室內位，下次試埋戶外位，都幾有情調。叫左個蟹餅，上面有蝦同酸忌廉，幾開胃。主菜叫左羊架同海鮮意粉羊架煮得岩岩好，唔會太淋，半肥瘦，食落羊肉味濃。海鮮意粉賣相唔錯，上面有三隻帶子，輕輕煎過，保留到一份鮮甜，唔錯呀最鐘意呢度既飲品，我叫左cucumber mojito,好清新！配一般主食都唔錯，男朋友叫左banana smoothie,估唔到都幾好，香蕉味香濃自然，最重要唔會太甜膩。