翠園 (新都城中心二期)

營業中

休息中

自從美國白金咭優惠縮小左之後，都已經有一段時間冇呢一間酒樓食飯，佢以前一直都好好，我哋差唔多每個星期就去食，今日夜晚走去食飯，六點鐘入去，個場唔係好多人，我哋比安排喺最角落頭嘅四人枱，可能見我哋有小朋友，想我哋坐埋一角角落唔好騷擾到其他人，不過我哋點餐嘅時候舉手舉左好耐，不停嗌人都冇人理我地。我哋有小朋友，所以唔係叫好多嘢食，我哋叫咗個薑蔥叉燒撈麵，一個例湯，一客蒸班頭腩。上菜嘅時候，有個侍應分緊湯，個傳菜亞姨就咁大叫我用手接住碟撈麵，真是好地道大牌檔風味好有人情味，我爭啲要流着行眼淚多謝佢畀我有份參與的機會，侍客合一的境界。回過神看一看個撈麵，和網購的感覺一樣，照片只可作參考，它跟照片相似度有百分之十，就是有麵，叉燒碎碎的已經看不出來，被滿滿的鼓油湯蓋過。吃一口，嘴裡只有濃濃醬油及薑味，忽然很想到九龍城粉麵檔走一轉，那𥚃才知道甚麼是正宗薑蔥撈麵，就是讓客人自己撈，和照片上的一樣，多薑少薑自己話事，忽然又想起電視上的廣告「等等，要同唔要，由我話事」。到蒸頭腩上枱的時候，味道算是可以，只是魚塊可能放了很久很久很久很久很鯹，仔女吐了出來，因為未打好鱗，還有很多鱗片跟在一起。