影片
更多
2018-04-07
11831 瀏覽
吾經吾覺原來已經一段時間冇去過大排檔食地道小菜，所謂既一段時間我諗大概就系一年前啦，其實系出面食得多其他類型既菜式，偶爾都會掛住港式既大排檔、冰室等等。陳根記系沙田區一間受歡迎既大排檔，沙田人去幫襯就吾出奇，但原來呢間大排檔系位於沙田既禾輋邨，聽就聽過既，但去就真系好似未去過。以為去既路程會比我想像中方便，但實際上吾系咁由於本人系港島區番工，所以搭巴士去紅磡先，然後要搭東鐵(火車)去火炭站，跟住系火炭站仲要搭巴士去禾輋街市落⋯⋯幸好天氣吾系十分熱，如果吾系一定更加辛苦。長途跋涉終於去到了，正當以為可以舒舒服服咁食野戈陣，事實就話比你聽絕對吾系咁簡單去到勁多人已經系意料之內，但原來吾系平時戈啲餐廳咁攞飛等位，而系個個都系啲食緊野既客隔離企系度等！最尷尬既系，好多時去到啲枱，啲人好似就食完咁，但原來系岩岩坐低only⋯⋯只系啲野未執好。兜兜轉轉，有個女仔好心咁同我男朋友講：「你地系咪兩個人呀，我地呢度有位」，心存無數感激，但途中既過程我地奔波左足足45分鐘左右。大排檔食物種類果然十分多，但系大致上都同平時大排檔既食物差吾多，有海鮮類、魚類(其實魚都系海鮮？不過可能種類太多所以要分成一類)、
陳根記系沙田區一間受歡迎既大排檔，沙田人去幫襯就吾出奇，但原來呢間大排檔系位於沙田既禾輋邨，聽就聽過既，但去就真系好似未去過。以為去既路程會比我想像中方便，但實際上吾系咁由於本人系港島區番工，所以搭巴士去紅磡先，然後要搭東鐵(火車)去火炭站，跟住系火炭站仲要搭巴士去禾輋街市落⋯⋯幸好天氣吾系十分熱，如果吾系一定更加辛苦。
長途跋涉終於去到了，正當以為可以舒舒服服咁食野戈陣，事實就話比你聽絕對吾系咁簡單去到勁多人已經系意料之內，但原來吾系平時戈啲餐廳咁攞飛等位，而系個個都系啲食緊野既客隔離企系度等！最尷尬既系，好多時去到啲枱，啲人好似就食完咁，但原來系岩岩坐低only⋯⋯只系啲野未執好。兜兜轉轉，有個女仔好心咁同我男朋友講：「你地系咪兩個人呀，我地呢度有位」，心存無數感激，但途中既過程我地奔波左足足45分鐘左右。
大排檔食物種類果然十分多，但系大致上都同平時大排檔既食物差吾多，有海鮮類、魚類(其實魚都系海鮮？不過可能種類太多所以要分成一類)、豬、牛、煲仔類等等。
原未睇餐牌已經諗定叫佢既招牌菜：Wasabi蟹籽手撕雞、煎蠔餅、椒鹽九肚魚等等。然後我記起男朋友麻麻地中意食九肚魚，然後佢又想叫個佢好中意既椒鹽豆腐，最後就叫呢幾樣，為了節省時間，伙記們會叫我地自己寫食啲咩落張單度。
根記頭抽雞 全隻 $260
原本個伙記就已經話wasabi蟹籽手撕雞賣曬，但我仍然好想試，於是決定寫左落張單再算，但後尾又有另外一個姐姐黎同我講話真系賣曬。跟住男朋友就建議話食頭抽雞，原來頭抽雞就系豉油雞，一黎戈陣個樣勁搞笑，系個木桶仔裝住，雞既份量十分多，亦好嫩滑，比好多大排檔既質素好，雞肉沾上豉油好香口，啖啖肉既感覺十分實在。
椒鹽豆腐 $58
然後食既系第2道菜 —— 椒鹽豆腐，椒鹽豆腐吾系呢度既招牌菜，可能因為咁，個人感覺比較遜色，椒鹽似乎就少左啲，所以濃味不夠，偏淡，但系脆卜卜系做到既，同埋裡面既豆腐都好林。
香煎蠔餅 $70
跟住就到我最中意既菜出場，系蠔餅呀，平時食既蠔餅多數蠔既份量比較少，呢間既份量真系不得了。首先一睇到已經系黃金表皮既蛋絲，真心好脆，有層次感，交錯既蛋絲外型攞曬分跟住我系幾乎食每一啖都有蠔，啲蠔仲要每隻都大大隻，亦鮮味十足，吾會有海水味，配上口感豐富既蠔餅同埋蛋絲真系令人好有滿足感
椒鹽鮮魷 $78
去到第4味椒鹽鮮魷，已經飽到有點吃不消的感覺，於是食得好少，但仍然感受到香氣四溢。雖然稱不上系好脆既表皮，但系鬆化既感覺都吾錯，達至剛剛好既感覺，咬落亦不油膩，我本身都幾中意食炸魷魚鬚，對我黎到呢個系整得幾好。而作為吾浪費既市民當然都不忘叫左個盒打包，p.s. 外賣盒盛惠$2。
之前系聽過陳根記因為租約期滿所以租約期系去到今年3月31號，但最新消息又話延長租約期去到今年12月31號，即今年最後一日，個人相信最新消息。現今既地產霸權太犀利，希望出色既港式大排檔可以笑到最後。
張貼
