南記飯店 (已結業)

10月尾和朋友一行 5人係呢間九龍城老字號食潮州菜，因為我哋5個女仕，所以只係叫咗個4人餐，再加一個春菜。春菜係我想嚟食嘅主菜😂。4人餐588，有一個頭盤，二選一，要咗鹵水豆腐，另一可選係冰鎭涼瓜。主食半隻鹹雞，鹹菜胡椒豬肚湯，椒鹽九肚魚，方魚炒芥蘭同潮州炒麵。送嘅甜品係中式糖水，我冇飲，朋友話過甜。菜式好普通，亦唔係大大份，所以唔明點解呢間餐廳會出名…。地方係舊式茶餐廳佈局，方形枱同圓膠椅仔。個豆腐味道怪怪的，滷汁有點酸，大家都唔咁食。九肚魚好味，炸得乾身唔會油。個湯都夠胡椒味不過冇乜雞又唔夠鹹菜味。其他菜式冇乜特別⋯。最後待應推介咗喳喳糖水，呢個好伏下⋯。乜味都冇乜，水咁淡，後來佢反問我哋點解冇糖漬蜜比我哋就咁食。大佬呀！我哋鬼知糖漬係另上㗎。