佳寧娜潮州菜

營業中

休息中

佳寧娜真係好多年都冇去過，難得屋企人有朋友約喺呢度飲茶，發覺佢嘅質素比之前好咗好多！嗰日星期日唔多人，叫咗蝦餃，叉燒腸，芋絲春卷，方魚蠔仔肉碎粥同埋椒鹽九肚魚。蝦餃蝦好新鮮非常彈牙，皮夠薄，唔會好厚腍啤啤叉燒腸出奇地好食！個粉漿調得好好，腸粉好滑，叉燒冇肥芋絲春卷芋絲春卷係我潮州點心嘅最愛！呢間都整得唔錯，調味好好，好友芋頭味！不過我嘅最愛都係之前賽馬車會嘅金朝閣，可惜佢哋已經關門大吉。方魚蠔仔肉碎粥蠔仔非常之新鮮，脹卜卜，真係好少已經食到咁好食嘅蠔仔粥，大推！椒鹽九肚魚呢個就真係比較遜色，炸得都幾乾，食唔出食緊九肚魚嘅口感。下次可以唔使叫。