影片
更多
2016-10-05
1536 瀏覽
今晚老細請食飯，帶左我地去公司附近一間新開嘅餐廳「風花雪月」食日本野！餐廳原來喺一間新開嘅精品酒店樓上，個門口比較隱閉，所以竟然日日行過都冇為意㖭！搭𨋢上到三樓，一開𨋢門即刻見到一個好大嘅壽司吧枱，成間餐廳嘅裝修以木色為主，簡約嘅日本風！地方唔算大，但就比人一種好舒服、窗明几淨嘅感覺。最衰我地人唔算少，如果唔係，坐喺壽司吧枱睇住師傅即整我地即食，好似去左日本咁就超正！我地被安排坐喺最盡頭嘅房入面，老細請客當然係由老細發板，我地都係坐喺度等食！聽到個經理同老細介紹，原來餐廳佔左3層，一樓主打洋食，二樓主打鐵板燒，三樓主打壽司刺身，全部都仲喺試業階段，三樓呢層更加由日本師傅坐鎮、魚生等大部分都係由日本空運到香港，保證新鮮！唉！其實都好鬼怕同老細食飯，又要同佢social, 冇野講又要夾硬搵d嘢黎講，不過免費有好嘢食，唯有忍一忍！好彩嘢食都好快上枱，第一道係刺身！職員向我地逐一介紹，有日本帶子、油甘魚、牡丹蝦、拖羅同埋左口魚！牡丹蝦厚肉肥美，肉質黏口再帶d海水嘅味道，唔使蘸豉油已經夠哂鮮甜！左口魚邊壽司我就食得多，左口魚刺身係第一次食。切得薄薄半透明咁，鮮味得黎感覺冇左口魚群邊咁重油份，比較
搭𨋢上到三樓，一開𨋢門即刻見到一個好大嘅壽司吧枱，成間餐廳嘅裝修以木色為主，簡約嘅日本風！地方唔算大，但就比人一種好舒服、窗明几淨嘅感覺。最衰我地人唔算少，如果唔係，坐喺壽司吧枱睇住師傅即整我地即食，好似去左日本咁就超正！
我地被安排坐喺最盡頭嘅房入面，老細請客當然係由老細發板，我地都係坐喺度等食！聽到個經理同老細介紹，原來餐廳佔左3層，一樓主打洋食，二樓主打鐵板燒，三樓主打壽司刺身，全部都仲喺試業階段，三樓呢層更加由日本師傅坐鎮、魚生等大部分都係由日本空運到香港，保證新鮮！
唉！其實都好鬼怕同老細食飯，又要同佢social, 冇野講又要夾硬搵d嘢黎講，不過免費有好嘢食，唯有忍一忍！好彩嘢食都好快上枱，第一道係刺身！職員向我地逐一介紹，有日本帶子、油甘魚、牡丹蝦、拖羅同埋左口魚！
牡丹蝦厚肉肥美，肉質黏口再帶d海水嘅味道，唔使蘸豉油已經夠哂鮮甜！左口魚邊壽司我就食得多，左口魚刺身係第一次食。切得薄薄半透明咁，鮮味得黎感覺冇左口魚群邊咁重油份，比較清淡一啲！
日本帶子爽滑鮮甜，質素不錯！
油甘魚望落去已經好肥美，入口爽滑魚味超濃，滿口油香，讚！
拖羅係我嘅至愛！呢度嘅拖羅竟然有我喺日本魚市場食嘅水準，入口即溶，魚味甘香而且持久！如果可以我想叫多碟囉!哈哈！
食完刺身就上壽司！一碟十二件嘅壽司賣相好精緻！十二件不同，分別有三文魚、油甘魚、拖羅、牡丹蝦、三文魚子、海膽、海鰻、赤鯥、金目鯛、左口魚、呑拿魚、日本帶子！海膽口感豐腴、海水味濃、味道超甜！香港好難得食到好味嘅海膽，難得呢度有咁嘅水準，值得一讚！
自從喺北海道食過金目鯛之後就愛上，呢度加左少少辣蘿蔔蓉同埋蔥粒，口感更加豐富，鮮甜嘅魚味反而更突出！三文魚子味鮮但係略嫌咸左些少！
海鰻不算非常肥美，但頗嫩滑，加埋醬汁亦不錯吃！
壽司飯嘅口感好好，暖暖的，軟軟綿綿又唔會食到醋嘅酸味！
食完一盤壽司又再上一盤壽司！呢盤係火炙壽司，一盤十件，又係件件不同！第一次食火炙海膽壽司，食落去嘅味道同新鮮海膽原來冇乜太大嘅分別（係多左少少炙燒香味），一樣鮮甜，反而係口感上比新鮮嘅海膽結實少少！
炙燒油甘魚又係第一次食！炙燒同新鮮嘅口感截然不同！炙燒將油甘魚嘅油香迫哂出黎，最正係加埋上面少少嘅柚子胡椒，味道即刻變得清爽冇咁油膩，魚又滑又香！好美味！炙燒汁燒帶子味道亦不錯，不過我鍾意新鮮食多啲，因為鮮甜啲、口感亦軟滑啲！
炙燒鰻魚燒得好香，未入口已經聞到嗰陣香氣，口感香脆軟滑，簡單而味美！
食完刺身同壽司，我已經飽到飛起！嘩！原來仲有！再黎係鐵板燒日本雞扒配椰菜絲！經理話呢隻係日本嘅安心雞，標榜冇激素，可以食得健康放心！雞扒燒得好香脆，雞皮同雞肉之間竟然連一啲脂肪肥膏都冇！雞皮脆口雞肉嫩滑，加埋嗰個甜甜地嘅醬汁,真係好好味!雖然已經好飽,但係我都食咗好多舊!
老細叫我地自己揀甜品同埋飲品！我揀咗個自家製嘅朱古力慕絲！
飲品方面我點左經理推介嘅法國Rose with Vanilla茶！朱古力慕絲口感綿綿密密，好滑溜！入口即溶，朱古力味好濃厚！正！偷咗同事一舊檸檬味macaroon黎試！好香檸檬味，味道唔會太甜，最緊要係口感鬆化唔痴牙！唔錯唔錯！玫瑰雲尼拿茶我係第一次飲！玫瑰味淡淡的，反而雲呢拿味好出，飲落去好滑溜，幾特別！
成晚食下傾下都坐到差不多10點！呢間餐廳無論環境、服務同埋食物質素都一流，聽經理講平時有lunch set供應，除咗日式，連西式都有，我同啲同事已經即刻約定下個星期一齊去食lunch啦！
張貼
