老夫子港式餐廳 (已結業)

聞說九展開了一間老夫子主題餐廳，我哋呢啲老夫子嘅粉絲，當然要去朝拜一下啦。餐廳位於九展嘅2樓，呢一層樓有好多foodcourt,但係老夫子餐廳係最大，佔地最多嘅餐廳。餐廳裝修一枱一櫈都充滿着老夫子嘅味道，除左周圍都畫滿晒老夫子的漫畫，就連一張凳都係套老夫子同大番薯嘅衫，非常有特色。餐廳主打港式嘅快餐，例如有海南雞飯，小菜，炒粉麵飯等等。今晚我哋就叫咗個酸甜京肉排，海南雞飯同埋一個豬豬手。海南雞飯加$10就可以選脾位啦，雞肉好滑，好嫩，煮得恰到好處。雞油飯好香，唔使三兩下就食晒成碗飯啊。酸甜京都肉排酸酸甜甜好惹味，豬肉好冧，送飯一流。呢個豬手d肉炆得好冧，啲皮好彈牙又爽，好好味，而且份量又多。不過餐廳不停咁loop住老夫子洗腦歌，實在有點煩，如果可以加多幾首歌就好了。