老街 (已搬遷) 新店位置

今晚突然之間好想食台灣野，就係咁搵到呢間老街。鋪頭嘅位唔係好多，所以成日都有人等位，好彩收得早過嚟，所以唔駛等好耐就有得入。點左滿漢大塊牛肉麵，大大碗，湯底有好濃郁嘅牛湯味，仲有少少藥材味，雖然冇台灣咁正宗，但係味道總括嚟講唔錯。而且配料好足料，牛展亦都入晒味，食完令人回味無窮。排骨肉燥乾拌麵一個要左牛肉麵，咁另一個梗係試埋乾拌麵啦。乾拌麵都算乾身，加上少少青瓜絲，將麵同青瓜絲連埋肉燥撈勻，又幾惹味喎。係兩種完全唔同嘅享受。不過排骨唔算太突出，試過就算。花枝丸花枝丸嘅外皮炸得幾金黃，而且好彈牙，表面加左少少椒鹽，作為小食都唔錯。