影片
更多
2021-12-12
36 瀏覽
香港區素來比較少火鍋放題，大多都聚腳於尖沙咀旺角，而且有質素的放題也不多，如果要揀好少少嘅肉類，埋單都要3-400不等。朋友新居入夥，去housewarming 但佢又未黎齊啲廚具，所幸樓下商場都算幾多新餐廳，人多所以我哋去食火鍋開心啲。朋友推介入面雞煲同海鮮放題都高質，如果計時段平日最平$228 加一，食安格斯肩胛肥牛，而我地叫左美國SRF黑毛和牛，都係$268 加一🤟🏻一坐低已經先黎左個雞煲，原來食完雞煲仲可以叫湯底食火鍋，湯底叫咗花膠胡椒豬肚湯。跟餐海鮮城盤有花蟹、鮑魚、吊桶、勁大粒帶子同蚌，樣樣都好新鮮！🍤小食/ 泰式鳳爪、雞翼、魚片頭等🥩肉類/ 梗係要狂叫黑毛和牛回本，唔食牛既朋友有豚肉同羊肉（少有！）🍡丸類/ 鮮打唔係包裝好果種，有黑松露蝦丸、芝心牛肉丸、梅菜豬肉丸、蟹子墨魚丸等等🦀海鮮/ 青口、沙白、海蝦、水魷🥦菜類/ 生菜、娃娃菜、秀珍菇、蓮藕片、我哋就叫咗個菜籃🍜粉麵/ 估唔到真係出前一到同稻庭烏冬！！！起碼唔係大光麵同都一烏冬😂😂差啲講漏，佢仲可以每人食一杯movenpick！食完仲可以任食佢啲雪條，飲品由啤酒到汽水到茶飲到樂天果汁都有，問你死未其實佢每位加$38仲
朋友推介入面雞煲同海鮮放題都高質，如果計時段平日最平$228 加一，食安格斯肩胛肥牛，而我地叫左美國SRF黑毛和牛，都係$268 加一🤟🏻
一坐低已經先黎左個雞煲，原來食完雞煲仲可以叫湯底食火鍋，湯底叫咗花膠胡椒豬肚湯。跟餐海鮮城盤有花蟹、鮑魚、吊桶、勁大粒帶子同蚌，樣樣都好新鮮！
🍤小食/ 泰式鳳爪、雞翼、魚片頭等
🥩肉類/ 梗係要狂叫黑毛和牛回本，唔食牛既朋友有豚肉同羊肉（少有！）
🍡丸類/ 鮮打唔係包裝好果種，有黑松露蝦丸、芝心牛肉丸、梅菜豬肉丸、蟹子墨魚丸等等
🦀海鮮/ 青口、沙白、海蝦、水魷
🥦菜類/ 生菜、娃娃菜、秀珍菇、蓮藕片、我哋就叫咗個菜籃
🍜粉麵/ 估唔到真係出前一到同稻庭烏冬！！！起碼唔係大光麵同都一烏冬😂😂
差啲講漏，佢仲可以每人食一杯movenpick！食完仲可以任食佢啲雪條，飲品由啤酒到汽水到茶飲到樂天果汁都有，問你死未
其實佢每位加$38仲可以任食刺身，不過都好飽就冇再加了，呢間真係香港島聚會之選，性價比極高
—————————————————
喜亭軒 (筲箕灣)
筲箕灣筲箕灣道393號形薈1樓1號舖
—————————————————
⠀⠀⠀⠀⠀⠀⠀⠀⠀
#hkfoodie #hkfood #hkfoodporn #hkfoodblogger #hkfoodpic #hkfoodies #yum #hkfoodstagram #foodie #foodporn #foodphotography #foodgasm #lunch #dinner #foodstagram #picoftheday #hkig #筲箕灣美食 #火鍋放題
___
#eathkgirls
#食港女
張貼
