The Brew Job Coffee

營業中

休息中

呢間咖啡店係太古城入邊少數能夠週末下午茶時間容易搵到位的咖啡店。但我都會選擇嚟呢度，係因為搵到位。雖然一杯咖啡嘅價錢都係正常，唔係特別平，唔算特別貴，但係一個週末時間，喺太古城能夠搵到位嘅地方，實在少數。當然，呢間咖啡店舒適度，屬於正常，但服務態度，都係其差啦！又或者係，根本冇服務。👎🏻👎🏻👎🏻首先呢個位置就係完全冇冷氣可言，仲係有啲焗嘅情況出現。但呢個對我嚟講，如果有寧靜嘅環境，只係焗少少，我都願意接受。但職員實在叻呀….. 可以全程黑面？我都唔知，因為基本上沒有眼神接觸，沒有眼神交流。就算我坐喺度，等佢清潔枱面，佢都只係拎走啲用過嘅杯而已。就算枱面都係滿佈咖啡污漬，甚至食物殘留碎片，職員攞走污糟嘅杯後，都唔會返嚟抹枱，全程木無表情。可想而知，呢間咖啡店冇人嚟，的確有佢成功之道，職員絕對應記一功。