影片
更多
2020-08-13
755 瀏覽
想試呢一間Cafe好耐！我住咗粉嶺好多年都冇試過，有朋友同我講話呢一間餐廳好抵食，見網上評語都唔錯，想試好耐，咁岩今日有朋友入嚟粉嶺搵我，我哋就約喺呢間餐廳度等！我朋友先到，餐廳一定要嗌餐先可以坐低，我朋友就先嗌左再等我過嚟，因為呢一間餐廳係工廠大廈，睇Google行兜咗幾個圈，完全冇任何指示牌，有啲難搵！原來我成日經過，自己都唔知！入到去工廠大廈，坐貨𨋢上去，但完全唔知自己去嘅地方啱唔啱，打開𨋢門後就覺得應該係呢一間cafe,一打開𨋢門見到公共洗手間，感覺好唔衛生，而且個洗手間浸味好大轉左手邊就係cafe門口，推門入去見到有大概三四台食客，cafe算寬敞樓底高!我朋友叫咗漢堡包set,我就叫咗個蛋包鰻魚飯，因為聽聞呢個飯係最出名嘅，本人又好鍾意食鰻魚，所以就叫黎試吓睇吓有幾得！食物黎得都幾快，同朋友一路食一路傾，原來好快已經90分鐘，叫我買單，朋友最後先話我知原來只能夠坐90分鐘，但之後餐廳其實只有兩台客，唔明點解唔可以俾我哋坐耐啲，佢話因為限聚令，同埋人流管制，本人就覺得唔係好Make sense，因為我哋傾偈都戴上口罩，加上餐廳其實都冇乜人，咁你本身係Cafe，就正常可以俾人坐耐
想試呢一間Cafe好耐！
我住咗粉嶺好多年都冇試過，有朋友同我講話呢一間餐廳好抵食，見網上評語都唔錯，想試好耐，咁岩今日有朋友入嚟粉嶺搵我，我哋就約喺呢間餐廳度等！
我朋友先到，餐廳一定要嗌餐先可以坐低，我朋友就先嗌左再等我過嚟，因為呢一間餐廳係工廠大廈，睇Google行兜咗幾個圈，完全冇任何指示牌，有啲難搵！原來我成日經過，自己都唔知！
入到去工廠大廈，坐貨𨋢上去，但完全唔知自己去嘅地方啱唔啱，打開𨋢門後就覺得應該係呢一間cafe,一打開𨋢門見到公共洗手間，感覺好唔衛生，而且個洗手間浸味好大
轉左手邊就係cafe門口，推門入去見到有大概三四台食客，cafe算寬敞樓底高!
我朋友叫咗漢堡包set,我就叫咗個蛋包鰻魚飯，因為聽聞呢個飯係最出名嘅，本人又好鍾意食鰻魚，所以就叫黎試吓睇吓有幾得！食物黎得都幾快，同朋友一路食一路傾，原來好快已經90分鐘，叫我買單，朋友最後先話我知原來只能夠坐90分鐘，但之後餐廳其實只有兩台客，唔明點解唔可以俾我哋坐耐啲，佢話因為限聚令，同埋人流管制，本人就覺得唔係好Make sense，因為我哋傾偈都戴上口罩，加上餐廳其實都冇乜人，咁你本身係Cafe，就正常可以俾人坐耐啲，除非你話有人等緊我都明白，但其實已經冇乜客人！不過點都好啦，食物質素上算唔錯，服務方面可以再改善下！
跟餐嘅羅宋湯
10 瀏覽
1 讚好
0 留言
牛肉漢堡
$98
10 瀏覽
0 讚好
0 留言
蛋包鰻魚飯
$124
14 瀏覽
0 讚好
0 留言
張貼
