肉搏食堂 (已結業)

肉搏食堂地址: 尖沙咀厚福街2A號地舖厚福街作為尖沙咀美食街當然有唔少驚喜餐廳啦😗，今日就同朋友試咗一間日本丼嘅小店 -- "肉搏食堂"，肉搏下佢啲丼飯😎。香煎西班牙黑豚配鵝肝丼 150g 🥩🍚$128粉紅色慢煮黑豚肉肥瘦均勻，厚度真係切得岩岩好😜，啖啖都有少少豬味，而且鵝肝油脂豐富口感紮實綿密😚，再加上胡麻醬真係成個組合好Match好邪惡😈。牡丹蝦三色刺身丼🍣$138大大碗新鮮魚生包括有牡丹蝦; 帶子; 蟹籽 & 三文魚鋪滿哂丼飯🤩，三文魚魚肉柔嫩條紋清晰，好鮮甜😜，加上大大隻帶子和牡丹蝦厚淋鮮甜😙。火炙頂級牛肉配香辣粉200g🥩$108大大塊5成熟牛肉😍，入口肉味濃郁滑嫩，配埋香辣粉好香口好開胃😋。朱古力曲奇沙冰🍹$18杯子盛住濃濃華田朱古力同曲奇味嘅沙冰😍，唔單止好透心涼，飲起嚟仲有少少咬口添🤪，加上頂層幼滑忌廉又够企身😝，啖啖都好有口感。藍莓青檸梳打🍹$18呢杯有驚喜🎉整到真似雞尾酒咁，好岩拎來打卡🤣。藍莓味重得來又唔假加上青檸啲酸酸甜甜口感，好開胃好解渴😚。