薩莉亞意式餐廳 (已搬遷) 新店位置

先前見到Openrice既食評，見佢大件夾抵食，岩哂我地呢D草根階層的人去拆番餐。去到有好多人等位，跟住等左20分鐘後，就輪到我地可以入去食。打開menu，款式都算多。我地就點左煙三文魚沙律，蒜蓉焗田螺，鐵板蜆，水牛芝士Pizza，仲有肉醬焗飯。首先黎的就係煙三文魚沙律，只有呢個唔算抵食，因為煙三文魚只得4塊。如果再比我簡，我一定會簡食甜蝦沙律。然後就一次過黎左3樣，蒜蓉焗田螺，水牛芝士Pizza，肉醬焗飯。首先蒜蓉焗田螺一般般，只因為佢的蒜蓉，真係冇乜味，所以差dd..跟住就水牛芝士Pizza，的確唔錯！但切果陣比較吃力，因為個底有d硬。到左我最想食既肉醬焗飯都試左，果然冇令我失望，真係好好味。呢個係我暫時食過咁多焗飯之中最好食的一碗。雖然唔大碟，但D醬再配合D飯，好Creamy！如果我空肚，我一定叫三碗食哂佢。最後就黎左鐵板蜆，味道幾好，但我覺得黑椒味大搶味。而且食到最後仲食到有少少沙，大減分。總括黎講，都幾好，下次會再埋一班朋友上去食。