TOSS 蘇媽.蘇媽

營業中

休息中

好耐冇食過肉骨茶，搵咗個朋友一齊嚟試吓。結果呢，肉骨茶麻麻哋，冇嗰種濃郁嘅藥材味（如果你想試肉骨茶，但又好怕好濃郁嘅藥材味，咁呢個應該啱你），反而叻沙同咖央幾好味。茶餐廳嘅環境，二人枱比較較少，兩個人幾乎一定要搭枱，有啲迫。上菜速度算快，唔使等太耐。一字骨肉骨茶，個人認為藥材味唔夠濃。椰香咖喱叻沙，唔知係咪因為肉骨茶有啲失望，呢個反而有驚喜。椰香咖央多士，幾脆，又唔係超甜，我諗好多鍾意少甜嘅香港人都鍾意食。