Panash

營業中

休息中

丹麥芝士脆包 ~ 一向好愛芝士既我見到呢個麵包就忍唔住一定要買黎試下 , 少少甜配合埋幼滑芝士味道既Cream好特別 , 食起上黎仲有一陣香濃芝士味。 日式蜜瓜包 ~ 面層脆口得黎比較甜, 應該用左幾多砂糖做酥皮 , 新鮮出爐個陣食真係一流 , 而且好鬆軟 , 煉奶味道亦令人回味。 芝士火腿酥 ~ 可能係酥既關係所以有少少油膩 , 入面放左一塊芝士﹑一條幼既芝士條同半塊火腿 , 但係芝士味道唔夠勁就略遜一籌。 糯米蛋糕 ~ 好好彩去買個陣係出爐冇耐 , 曲奇面層仲係熱辣辣 , 口感有d似糯米糍既蛋糕唔會太咁煙韌 , 中間仲有微熔既朱古力同瓜子令到麵包更香。