為食龍 (已結業)

今日同朋友去食晏，突然話想食腐皮壽司，所以我哋就去咗Walk in，因為晏晝好多人，我哋又冇book位，所以係waiting list嗰度等咗半個鐘，所以我哋喺附近度行吓，直到職員打電話俾我哋，咁我哋行到樓上之後都覺得佢嘅裝修好似木屋咁，都幾清新自然，但係張枱就相對比較細，所以有啲迫夾，同埋waiter比較少，所以可能要等好耐先有人可以落單咁我同朋友都叫咗佢哋個腐皮御饍A同BSet B入面有蟹膏三文魚子、和風汁帶子、隻燒蟹沙律、明太子厚燒玉子同埋柚子左口魚Set A係明太子芝士蛋黃三文魚、蔥吞拿魚拖羅蓉、柚子胡椒油甘魚蓉、炙燒北寄貝沙律同埋蟹膏厚燒玉子咁每份餐都會有三舊迷你吞拿魚蓉卷，一啲小菜同埋一杯茶，味道其實都幾好，唔會係出面嗰啲普通嘅壽司，都表現左佢哋嘅創意喺入面，好似一啲fusion菜咁。如果講佢哋唔好嘅方面就係份量太細，兩三啖就食完，如果係男仔嘅話呢個價錢可能會覺得唔飽，可能其他嘅丼飯會比較適合