新榮記粥店

營業中

休息中

係福榮街泰國人遇到o的唔開心既事之後，就唯有改一改目的地，結果想起附近有間有即拉腸粉既粥店，就去試下。同女友一行兩人，叫左滑牛粥，豬紅粥、叉腸、炸兩同炒麵。粥唔錯，粥底綿滑，不過我碗滑牛粥既牛肉就少左o的，女友話豬紅粥都好味。至於腸粉同炸兩就真係好正啦，夠晒軟滑，點埋o的豉油真係絕配，而炒麵味道就ok，起碼夠熱，唔會好似有o的粥麵店夾o的凍冰冰炒麵俾你食。呢類粥麵小店都係做街坊生意，味道唔會點驚為天人，但有即拉腸粉就夠吸引，而且埋單大約50左右，又平又好味，得閒食下粥清下腸胃都唔錯。