陳家菜 @Freshlane (樂基商業中心) (已結業)

唔想煮嘢食又想有屋企嘅味道！喺西營盤做完嘢，同事就介紹我上網訂餐，訂完15分鐘就可以去攞。佢就喺地鐵站A2 斜對面Freshlane。起條橫行到入去，上兩層樓梯就到啦！係個專做外賣嘅地方。有一個個locker位可以自己取餐。我點咗水煮魚同茄子肥牛煲得咗會起過告示板度顯示，按着號碼領取就得啦水煮魚份量好多，除咗魚片仲有粉條同埋蔬菜，個湯汁辣中帶香，返到屋企仲係熱辣辣。茄子肥牛煲有好多茄子，肥牛份量都唔少，唔係太肥食得過。因為份量幾多所以可以唔止兩個人食。