花見•幸福 (已結業)

朋友見到呢間餐廳星期一至四有優惠，所以膽粗粗走去試下。我同朋友book左星期四，去到個陣發覺餐廳唔算多人，我地未齊人就可入座。叫左兩個御好燒同五串串燒，侍應細心教導點樣燒，再加上有個detailed guide，同埋我地用餐廳提供既計時器計時，話咁快就有得食。值得一提既係串燒好好食，加埋醬汁，正。侍應服務好好，間唔中就睇下我地點，又教我地點整。不過御好燒既醬汁比較稀，同埋個紫菜太碎，但高興既係可以任添木魚碎，因為我同朋友好鍾意食。不過我地大意唔記得埋單時show discount。下次有機會會再去試其他食物，例如pancake 公仔。