倫敦大酒樓

營業中

休息中

中秋節假期去飲茶，友人提議試呢一間，因為呢一間酒樓大部份嘅點心都係自家製嘅，非常難得。因為5個人，分開2張枱坐，D waiter好好人幫我地安排。我地一輪衝鋒叩咗雞札、鴨腳扎、蝦餃、燒賣、排骨、咖哩魷魚、蝦多士、叉燒餐包、鮮竹卷、春卷、鯪魚球、胡椒豬肚湯、芋角、椰皇燉鮮奶等。D點心真係唔錯，當中好好食嘅包括蝦餃、燒賣、芋角、椰皇燉鮮奶。蝦多士係友人話一定要食，要另外叫，4件起，都OK，比想像中好食，又唔會好油。雞札同鴨腳扎都OK，印象中出面唔多地方有鴨腳扎。胡椒豬肚湯都做得唔錯，D豬肚洗得幾乾淨無「壓」味，其實樣樣都好食，係碟咖哩魷魚差D。