明記 • 潮鍋 (已結業)

打邊爐打到悶，不妨黎呢一間海鮮火鍋！新鮮魚缸撈起，滿腔鮮甜。👍🏻至尊海鮮套餐套餐包含嘅海鮮種類頗多，除咗打邊爐之外，更加有東瀛刺身拼盤：三文魚、八爪魚片、鯛魚、希靈魚、北寄貝。用上碎冰冰鎮，保持刺身的新鮮度，而且每一片盡是厚切的程度，三文魚入口肥美，希靈魚不帶魚腥。✨波士頓龍蝦海鮮盤波士頓龍蝦、活鮑魚、蟶子王、大元貝、另加六款廚師發辦海鮮：紐西蘭青口、基圍蝦、象仔蚌、生劏白膳片、靚花甲、本灣鮮魷共十款，確實大飽眼福之餘亦都填滿一肚幸福感。龍蝦即場從魚缸撈起，新鮮至極，食落爽口鮮甜；活鮑魚可以滾到八成熟，入口爽嫩彈牙令人回味；蟶子皇清洗得乾淨，厚肉飽滿；大元貝顏色透白；靚花甲帶海水味；基圍蝦就算用竹籤吉住，蝦腳依然係識郁嘅，確係無敵新鮮！白鱔片較多幼骨，進食嘅時候要特別小心。安格斯牛肉牛肉切得厚薄一致，雪花平均，入口好軟淋亦帶有好重嘅牛香。丸類即包明記雲吞王，雲吞皮薄餡靚，餡料鹹香度足夠，裏面嘅蝦肉清晰可見；手打四寶丸，包括有鮮蝦、墨魚、豬肉、鯪魚，全部都爽口彈牙，真材實料！可以根據呢一個餐牌而去計時！特大杯熊仔檸檬茶 絕對係打邊爐解膩之首選，熊仔冰浸在杯內慢慢溶化，越飲越透心涼。