元札幌拉麵 (宇晴軒商場) (已結業)

無得去日本又好想食拉麵，去左呢間位於荔枝角既元札榥拉麵，果時9點幾呢個時間都無乜客人，餐廳環境寬敞舒適，唔會話坐得迫，Menu選擇都好多有拉麵刺身串燒等等，價錢合理，仲有拉麵小食自選套餐選擇。燒牛舌牛舌最好食！數量有好多塊之餘而且燒得好香多汁惹味，厚度適中口感唔錯。招牌牛油拉麵。湯底係醬油湯底配埋牛油多左份香滑感，叉燒味道不過不失。螃蟹拉麵同樣是醬油湯，味道岩岩好唔會好咸，值得讚既係蟹柳好鮮甜，唔會有雪味，糖心蛋都煮得岩岩好👍🏼串燒雞軟骨同串燒冬菇冬菇無咩特別，但唔會話燒得干。雞軟骨燒得唔錯，又香又好味！