白鬍子炸魚薯條

營業中

休息中

兩個見到炸嘢就狼吞虎嚥嘅食肉獸，食炸魚薯條由澳洲食到返香港，見到香港竟然開設咗紐西蘭獨特風味嘅炸魚薯條專門店，就衝去試吓！Signature Fish and Chips $75 用上紐西蘭嘅深海藍鱈魚柳，加成大盤粗過手指嘅薯條，即叫即炸，仲有8款醬汁俾你揀。炸魚柳嘅份量好大件，長而薄身，魚柳肉好雪白，肉質嫩滑，粉漿夠薄好香脆。白啤酒炸蠔一客3隻$48，個醬辣辣地好惹味，配埋醋醃洋蔥，一酸一辣，令到個蠔juicy得嚟味道幾過癮。蒜香炸蝦藍$42有五隻蝦，好大條，炸出嚟熱辣辣，蝦肉有啲似天婦羅用嘅蝦，不過粉漿就較為結實。炸芝士同爆谷磨菇，一拉開就有長長嘅芝士絲，食落有淡淡嘅mozzarella cheese味道。炸磨菇只有3粒唔夠食，如果份量再多啲就好啦！香煎小牛腸配薯蓉$55，貴為全店銷量第3位嘅食物，係我嘅心水推介。薯蓉有口感，可以食到一粒粒嘅薯仔，加上磨菇味嘅醬汁味道配合得宜。小牛腸煎香了脆皮，微咸嘅肉腸混搭淡淡薯蓉一起吃，正好消除其他食物嘅油膩感。