真知味 (已結業)

難得出黎旺角睇裝修材料, 一於去拾回中學時期既回憶啦...細細個成日食佢一串串既牛柏葉, 牛柏葉爽口, 大大舊, 又好多沙嗲汁, 以前細個食親都好鬼死狼狽....因為未食晏晝, 所以叫左車仔麵....當然有我心愛既牛柏葉啦, 豬紅, 豬皮, 冬菇粗麵, 多辣汁樣樣餸都無得頂, 唯獨是豬皮有少少毛.... 粗麵煮得過"淋", 希望下次改善下啦....另外佢個辣汁唔太辣, 不過確係可以令生碗麵生色唔少, 更加惹味.....而且d 阿姐好好服務架, 會提你出去叫車仔麵...因為車仔麵唔可以坐係位叫,要自己出去叫架....咁多年無黎真係咩都唔記得哂lu...下次黎食埋佢d碗仔翅先.....