影片
更多
2011-05-24
106 瀏覽
一個月前就打定電話俾天哥留間房食飯, 好讓各同學仔品嚐一下呢度嘅正嘢!藉此多謝天哥嘅關照!入到房就一邊打麻雀一邊等齊人, 終於…齊人啦, 開飯!!! 大家都唔知我今晚叫咗咩嘢食, 所以個個頭上邊都有個問號喺度, 好啦, 嘢食一一奉上啦….五小碟----义燒半肥瘦, 燒得香口入味, 豆腐看似平平無奇, 估唔到!!!!!!嘩!勁香脆惹味呀!明火雞煲翅----呢個係我嚟名苑必食嘅餸, 以咁嘅價錢就食到咁入味嘅雞煲翅同一排排嘅翅, 去邊度搵?頭抽煎蝦---一上枱就香氣撲埋身, 食落蝦肉彈牙, 蝦頭有膏, 食得出係新鮮正蝦!鮑汁鵝掌扣四頭鮑---一煲嘢上枱時, 個個人都問「咩嚟架?」, 一打開個蓋, 就有人話「嘩!有鮑魚食呀!我無錢埋單架喎!」；講返個餸, 啲鮑汁入晒去鵝掌度, 而隻鵝掌又夠腍身, 正!隻鮑魚就唔駛講, 食得出熬咗好耐先至可以咁好食!生菜伴炸元貝----食得多蠔, 就食下炸元貝, 貪元貝無咁”留”, 元貝非常鮮甜, 而同生菜一齊食, 既帶出元貝嘅鮮, 又無咁滯口…,起片東星班----呢樣又係名苑嘅可愛之處, 原條魚起骨切片, 唔怕梗骨, 食功夫都抵!而且蒸得啱啱好, 好滑!!!藥
入到房就一邊打麻雀一邊等齊人, 終於…齊人啦, 開飯!!! 大家都唔知我今晚叫咗咩嘢食, 所以個個頭上邊都有個問號喺度, 好啦, 嘢食一一奉上啦….
五小碟----义燒半肥瘦, 燒得香口入味, 豆腐看似平平無奇, 估唔到!!!!!!嘩!勁香脆惹味呀!
明火雞煲翅----呢個係我嚟名苑必食嘅餸, 以咁嘅價錢就食到咁入味嘅雞煲翅同一排排嘅翅, 去邊度搵?
頭抽煎蝦---一上枱就香氣撲埋身, 食落蝦肉彈牙, 蝦頭有膏, 食得出係新鮮正蝦!
鮑汁鵝掌扣四頭鮑---一煲嘢上枱時, 個個人都問「咩嚟架?」, 一打開個蓋, 就有人話「嘩!有鮑魚食呀!我無錢埋單架喎!」；講返個餸, 啲鮑汁入晒去鵝掌度, 而隻鵝掌又夠腍身, 正!隻鮑魚就唔駛講, 食得出熬咗好耐先至可以咁好食!
生菜伴炸元貝----食得多蠔, 就食下炸元貝, 貪元貝無咁”留”, 元貝非常鮮甜, 而同生菜一齊食, 既帶出元貝嘅鮮, 又無咁滯口…,
起片東星班----呢樣又係名苑嘅可愛之處, 原條魚起骨切片, 唔怕梗骨, 食功夫都抵!而且蒸得啱啱好, 好滑!!!
藥膳浸時蔬-----無咩特別, 但係食菜有益, 又可以清清飽感。
泡飯(唔記得正確名稱)----一上枱, 侍應就將啲炒過嘅飯倒入個湯入邊, 過程好過癮, 味道唔錯, 同一時間可以食到兩種米粒嘅唔同味道, 有趣有趣!
最後, 就當梗係唔少得呢度出名嘅杏仁茶同桂花糕做甜品啦!
張貼
