流水蝦

營業中

休息中

開放返晚市堂食，就即刻約朋友去呢一間叫流水蝦的燒烤放題邊食邊玩😂流水蝦其實係一間類似韓燒放題店，但係佢最獨特之處係每一個卡位旁邊都會有一個魚缸，裏便有幾十隻新鮮游水蝦走嚟走去，如果你係想食啲生蝦，你就要用隻長鉗去夾佢上嚟放到燒烤爐去燒，呢個遊戲又真係幾好玩🤣啲蝦好新鮮又算幾大隻，簡直係生蝦咁跳，加上啲蝦好似知道俾你夾到就會無命😆所以喺缸裏面拼命逃命，所以你要夾到佢哋係有啲難道，但係夾到佢哋嚟燒又真係好鮮味，就係咁🦐🥢🦐🥢🦐🥢玩足兩個半鐘都唔會悶🥳而外邊任食的韓燒嘢食都係一般韓燒的食品，而腩肉片味道有啲怪怪的好似唔係好新鮮，其他的都OK啦👍🏻特別一提係我為咗要食埋最大最頑抗嘅一隻大蝦，我哋遲咗十五分鐘先走，店員都沒有趕走我哋，也沒有給任何壓力，服務態度好好，下次再有機會去觀塘一定要去再玩過🥳味道：⭐️⭐️⭐️⭐️環境：⭐️⭐️⭐️⭐️服務：⭐️⭐️⭐️⭐️⭐️抵食：⭐️⭐️⭐️⭐️回頭率：⭐️⭐️⭐️⭐️⭐️