烚時・滾動 (裝修中)

與閨密的 烚時。滾動 🍲打邊爐聚會💕喺太子站C2出口一出就見到超方便，火鍋店樓高2 層，樓下玻璃門推門入去再上樓梯，呢度感覺好港式火鍋，家庭式經營嘅感覺好親切。一坐低店員會比個調味盤我哋，好喜歡佢地個古式九宮格調味盤，特別個XO醬超好食😚我哋叫咗個椰子雞鍋，落埋雞件去煲，未烚嘢先飲個湯好清甜☺️雞件好新鮮👍🏻呢度最好係D火鍋配料好多都可以半份半份咁叫，好啱我哋咁2 個人食可以試多幾樣野。火鍋配料我哋叫咗幾樣：豆卜、菇、油麥菜 、韮菜餃、安格斯三角肥牛。配料每樣都好新鮮、肥牛質素都唔錯。