Marina

營業中

休息中

拜訪Marina當日嘅人流唔多，可能因為附近冇乜商場行。其實餐廳環境幾好，裝修好新淨，侍應亦幾有禮貌，坐落幾舒服，最重要係啲食物幾有驚喜。Sicilian Marinara 西西里海港薄餅餅底香脆，冇乜overcooked，餅面有層芝士，味道幾香濃，上面舖左唔少種類嘅海鮮碎粒，仲有香料帶少少辣味，令成個薄餅嘅味道除左芝士嘅奶香，海鮮嘅鮮味美，仲有多一層刺激嘅滋味。Liquor clams 白酒煮蜆用料相當有誠實，大蜆多數都好肥美，食得出大蜆唔係低檔貨色，本身就好鮮甜，煮出嚟仍然保留到大蜆本身嘅嫩滑，而洋蔥連白酒煮出嚟嘅汁都好適合點蒜蓉包食。其實menu幾豐富，有唔少海鮮，pasta，pizza嘅選擇，兩個人嘅戰爭力麻麻，依今次嘅體驗，呢間餐廳值得下次再嚟試下其他美食。