Deer Kitchen (已搬遷) 新店位置

記得 畢業後 第一份工觀塘巧明街， 但今次再去 是尋覓美食。 附近嘅駱駝漆大廈早已臥虎藏龍，接近的年運工廈都有一間出名西餐廳，Deer Kitchen。上到去，平日的 晚上 七點半座位已經滿了7成， 整體俾人舒服簡單嘅感覺。二人餐雖然豐富，但價錢較貴，所以我同朋友都係選擇比較價錢相宜 一人餐。 法式油封鴨髀及火焰西班牙黑毛豬肋骨。 前菜方面分別揀咗 黑松露意大利雲吞，黑魚子蟹肉手指多士。雲吞係自家製,，一細碟有兩隻雲吞， 黑松露味道濃,醬汁creamy，好味。 蟹肉手指多士賣相精美， 味道都好,但做法簡單，雲吞相對做工複雜比較推介。油封鴨髀好比較複雜，是法國傳統的食品，師傅做之前會將多餘嘅皮下脂肪剪走，用鹽和鴨油經過低溫長時間加熱而成。餐廳另加紫薯茸， 翠玉瓜 ，沙律做配菜，賣相精美。油封鴨本身食落會比較乾身，但絕對夠味。火焰西班牙豬肋骨，侍應會係你面前加酒點火，可能因為咁，俾人一種高級的感覺。而且個炸薯格好味，唔油，超脆。黑毛豬好嫩口，仲見到少少粉紅色肉，食落唔會鞋到痴牙。再加上甜品及飲品，大滿足。