影片
更多
2022-01-17
1445 瀏覽
今日又走咗去陪我嗰個好鍾意飲茶嘅屋企人出嚟嘆早茶，好早起身呀😅 佢最鍾意去一啲舊式茶樓試點心，我諗如果有睇過我幾篇食評嘅人都應該知道 ╮(￣▽￣"")╭ 「日日都飲茶，你估真係人人都鍾意飲茶咩？」 (🤪🤪🤪希望我屋企人唔知道我喺度寫佢) 今次我哋就上咗一間好古舊而且冇乜額外裝修嘅茶樓度(明顯係做街坊生意，唔打算殺出一條年輕人嘅出路)。上到去，可能係太早嘅關係，啲職員都未返，得一個阿叔喺度幫我哋斟茶擺茶具。 當時去到目測得三枱客。 佢哋冇優惠時段㗎。不過睇返，原來呢間野都真係幾大件夾抵食嘅，蝦餃燒賣比五粒你，食完都飽啦，老人家食一個點心就夠🤭 蝦餃啲蝦冇乜味，燒賣你會食到係手切肉，都算有啲咬口。但實屬普普通通，完全俾唔到啲乜嘢深刻印象我哋。 鳳爪，熱辣辣咁上枱，炆得好淋，算係我幾鍾意嘅一隻口感(唔係硬骨骨爽口嗰隻)。 鹹水角只係暖暖哋，不過好彩都係新鮮炸起。 佢哋嘅牛肉腸粉我就嫌佢唔夠熱，雖然啲腸粉皮都好滑，腸粉唔夠熱係會有啲失色。 其實而家我去親食灌湯餃，都冇乜特別期望，因為好多舖頭嘅灌湯餃，都只係好似粒加大版燒賣咁(得啲豬肉)，唔會好似以前咁~用金華火腿煮個湯，完全冇乜質素可
佢最鍾意去一啲舊式茶樓試點心，我諗如果有睇過我幾篇食評嘅人都應該知道 ╮(￣▽￣"")╭ 「日日都飲茶，你估真係人人都鍾意飲茶咩？」
(🤪🤪🤪希望我屋企人唔知道我喺度寫佢)
今次我哋就上咗一間好古舊而且冇乜額外裝修嘅茶樓度(明顯係做街坊生意，唔打算殺出一條年輕人嘅出路)。上到去，可能係太早嘅關係，啲職員都未返，得一個阿叔喺度幫我哋斟茶擺茶具。
當時去到目測得三枱客。
佢哋冇優惠時段㗎。不過睇返，原來呢間野都真係幾大件夾抵食嘅，蝦餃燒賣比五粒你，食完都飽啦，老人家食一個點心就夠🤭
蝦餃啲蝦冇乜味，燒賣你會食到係手切肉，都算有啲咬口。但實屬普普通通，完全俾唔到啲乜嘢深刻印象我哋。
鳳爪，熱辣辣咁上枱，炆得好淋，算係我幾鍾意嘅一隻口感(唔係硬骨骨爽口嗰隻)。
鹹水角只係暖暖哋，不過好彩都係新鮮炸起。
佢哋嘅牛肉腸粉我就嫌佢唔夠熱，雖然啲腸粉皮都好滑，腸粉唔夠熱係會有啲失色。
其實而家我去親食灌湯餃，都冇乜特別期望，因為好多舖頭嘅灌湯餃，都只係好似粒加大版燒賣咁(得啲豬肉)，唔會好似以前咁~用金華火腿煮個湯，完全冇乜質素可言。
不過呢間有少少唔同，食到佢有少少碎嘅排翅，比其他鋪用心。
盛謂$181，實在有啲普通，應該冇下次。我應該會揀帝豪，或者係牡丹金閣。
張貼
