影片
更多
2023-10-18
4615 瀏覽
因為閒日收工食飯，最快都要約7點半食，全程都好似好趕咁，店員勁快幫我地煮菜、煮麵到收走D碗碟。食物質素唔錯，店員態度亦係有禮貌，只係就成餐飯偏趕。🔥特選神戶牛套餐 $1299★★★★☆呢個套餐會有6款前菜，比其餘套餐多2款。前菜由淡味開始食到最後最濃郁嘅。有醃茄子、松露甜蝦、磯煮鮑魚、三文魚子豆腐、帶子裙邊，最有印象嘅一定係黑毛和牛他他，有啲果仁碎係面，加埋隻鵪鶉蛋撈勻佢食，爽滑得黎完全唔會冇筋位，啖啖肉好正！今次個主角當然係招牌極上級兵庫縣產特選神戶牛西冷壽喜燒套餐，精選左日本三大銘柄牛之一嘅神戶牛，有4大片，呢隻牛出哂名極嫩滑，和牛香氣濃郁。一上枱已經見到超靚大理石紋理油花，同另外一款牛一比較就有傷害，色澤油花都差一截。呢到會有專人幫手燒，亦會問客人有冇特定想嘅熟度。佢地先用和牛油脂塊煎香鍋面，再將塊和牛以用中火香煎，兩面都有焦糖色，再落壽喜燒醬汁。但當日有唔同店員燒都有唔同做法，有啲先落醬汁，有啲先落牛，有啲就係咁翻面，完全唔統一做法，稍為唔專業感覺。一塊牛西冷好大一塊，都分左幾啖食，第一啖先原汁原味，塊牛好嫩滑，近乎入口即融。完全唔會有纖維感，個和牛甜味同油脂感好突出，食得出有
🔥特選神戶牛套餐 $1299★★★★☆
呢個套餐會有6款前菜，比其餘套餐多2款。前菜由淡味開始食到最後最濃郁嘅。有醃茄子、松露甜蝦、磯煮鮑魚、三文魚子豆腐、帶子裙邊，最有印象嘅一定係黑毛和牛他他，有啲果仁碎係面，加埋隻鵪鶉蛋撈勻佢食，爽滑得黎完全唔會冇筋位，啖啖肉好正！
今次個主角當然係招牌極上級兵庫縣產特選神戶牛西冷壽喜燒套餐，精選左日本三大銘柄牛之一嘅神戶牛，有4大片，呢隻牛出哂名極嫩滑，和牛香氣濃郁。一上枱已經見到超靚大理石紋理油花，同另外一款牛一比較就有傷害，色澤油花都差一截。
呢到會有專人幫手燒，亦會問客人有冇特定想嘅熟度。佢地先用和牛油脂塊煎香鍋面，再將塊和牛以用中火香煎，兩面都有焦糖色，再落壽喜燒醬汁。但當日有唔同店員燒都有唔同做法，有啲先落醬汁，有啲先落牛，有啲就係咁翻面，完全唔統一做法，稍為唔專業感覺。一塊牛西冷好大一塊，都分左幾啖食，第一啖先原汁原味，塊牛好嫩滑，近乎入口即融。完全唔會有纖維感，個和牛甜味同油脂感好突出，食得出有牛味。之後就再沾埋生蛋液食，食得到濃郁牛肉原味之餘有陣陣蛋香，仲要再令到塊牛更加順滑。當食到第二塊嘅時候就可以落啲其他調味料，好似青檸、山椒、黑七味等等，鹹、酸、辣有齊哂，馬上解膩！
🔥日本產黑毛和牛西冷套餐 $659★★★★☆
日本產嘅黑毛和牛西冷套餐有三大塊，同神戶牛比較，色澤偏深紅色，油花都冇咁細膩平均。食落較為有咬口，冇咁嫩滑，牛味明顯冇咁濃，亦同樣油脂冇咁清甜，偏向奶味重啲，比較容易膩。但價錢平一半黎講都好抵食，唔會話唔好食。食到一半都可以叫店員煮下菜，解下膩先。野菜盛合種類都多，有京葱、白菜、南瓜、蘿蔔、洋葱等，蔬菜已煮得好入味，鮮甜爽脆，食完會比較清爽，之後再食牛都冇咁漏。食牛個陣仲可以配日本米飯。最後有埋讚岐烏冬，將個蛋汁加埋落去撈黎食一流。是日甜品就係抹茶缺餅。
🌟總括：滿足嘅一餐，牛肉質素靚，真係點煮都好味。前菜好別緻有心機，蔬菜、烏冬、甜品就正常發揮啦。如果食都要早啲去，咁樣成餐飯會冇咁趕。
張貼
