潮園

營業中

休息中

任飲任食兩小時，原價每位138 ，呢排做優惠$118/位，喜歡食蒜蓉嘅朋友就非常開心，因為卜卜蜆火鍋入邊非常多蒜蓉，不過啲蜆食晒就冇得refill ！除咗卜卜蜆鍋，仲有雞煲、水煮魚、普通火鍋底選擇！蔬菜及飲品放喺近廚房位置自取，鮮肉放晒喺雪櫃內自取，食物新鮮：肥牛、腩肉片、雞件、鯇魚、雲吞、水餃、魚皮餃、墨丸、牛丸、豬肉丸、芝士腸、餐肉、鵝腸、牛柏葉、豬紅、炸魚皮、響鈴、生根、蘿蔔、蓮藕、金菇、番茄、粟米、蔬菜....... 全部都好新鮮！仲要啤酒汽水任飲！六點半已經爆棚，記得打電話去book位。