酩町 (已結業)

終於到星期六了！同中學同學約咗去尖沙咀既樓上居酒屋食飯，餐廳位置雖然要搭電梯先到，但都算幾方便一開始就有個串燒肉卷盤俾我地睇下有咩啱食，都擺得幾好睇，攪到串燒叫多左~叫咗都幾多野好豐富，有日本生蠔、燒油甘魚鮫、燒明太子、炸雞皮餃子、豚肉韮菜卷、雞翼、和牛烏冬等等~日本生蠔入面加左D蟹子、蔥果D，同平時出面餐廳食生蠔好唔同，賣相好靚！食落好新鮮！個燒明太子估唔到佢咁好食，連埋佢淋係面D醬成件事好MATCH！串燒嚟講我就比較鍾意豚肉韮菜卷，依度既串燒本身已經燒得好香，此外豬肉又唔會燒到好un，充滿肉香，加埋韮菜一流！