金雄御車仔麵

營業中

休息中

車仔麵都食得多，不過要搵到一間坐得舒服嘅車仔麵檔，就一啲都唔容易。而位於筲箕灣道呢間金雄御車仔麵，可以話係我食咁多次車仔麵以來坐得最舒服嘅一檔！👍🏻車仔麵兩餸一麵起，但識食嘅又點會食兩餸咁少，個人一般食3-4個餸，已經超飽足，另外仲可以揀小食和飲品，整體而言，性價比甚高。以下係我推薦嘅食物：湯底首推豬骨湯加咖喱汁，咖喱汁唔會辣，但係十分惹味，令人開胃！微辣豬紅豬紅本身已經夠健康，又含豐富蛋白質，而脂肪含量又低，自己平時好少整，所以食車仔麵喺必點，而且佢嘅辣真係好輕微，食唔到辣嘅朋友都可以試吓，因為呢個辣會令豐富到你嘅味蕾。滷水豬大腸滷香味完全鎖入豬大腸中，加上軟滑嘅口感，齒頰留香，令人一試上癮 ！祕製超淋牛筋牛筋口感軟滑，真的是超淋，味道醇香，令人食過都想返尋味！其他嘅配餸其實都令人相當滿意，下次可以再帶媽咪嚟食其他廚師推介嘅配菜。