古早味原住台灣 (已結業)

可能我平時食開嘅台灣菜都係小店，一般裝修都唔會太講究，但呢間餐廳真係令我喜出望外，真正嘅「蔗渣價錢，燒鵝味道」。一入到黎已經比佢哋裝修同環境吸引住，裝修係我最鍾意嘅藍色，同埋有好舒服既卡座，淨係環境都已經加晒分！食物方面我同男朋友叫咗鴨肉冬粉、豐收飯、蚵仔酥、仲有個糖醋肌里肉。冬粉其實同粉絲個口感有啲似，但係就硬身少少，食落有口感，亦都吸收左啲湯既精華。豐收飯有好多餸，包括牛展、滷水蛋、腩肉、鯖魚同埋台灣腸，啱晒為食嘅朋友仔！蚵仔穌比較特別，出面嘅台灣餐廳好少見到，不錯！最後就係糖醋肌里肉，酸酸甜甜送飯好開胃！