Brilliant Cooking (已結業)

天氣轉涼是時間換季，周末到葵廣shopping完，腳又累，過天橋見到葵芳匯有一間西餐，位置方便又價錢合理，環境舒服，以卡位為主，就直接去坐低。 晚餐選擇多，例如意大利飯/意粉/扒類/沙律都有，價錢平均$150至$200，另加$20可轉套餐，包括餐湯，餐包和餐飲。最後點了一份主菜和兩款小食: 阿拉斯加蟹肉,日本象拔蚌&蟹籽配鮮蟹膏忌廉汁意大利飯 $148蟹味濃郁，用料足，每一口都吃到蟹肉絲，象拔蚌粒新鮮有咬口，加上鮮蟹膏和忌廉調味，口感creamy而不肥膩，鹹度適中，意大利飯唔會夾淋身，但十分入味，整體水準高。 蒜香炸雞翼6pc $68意想不到的香脆! 上枱時已經聞到陣陣蒜香味，而炸粉薄而食落香脆香口，炸的時間控制剛好又唔會乾身，配合酸甜醬一起食，邪惡但滿足。 吉列炸蝦6pc $55比起雞翼，炸蝦的酥脆口感更加強烈! 外表呈金黃色，賣相吸引，食落蝦肉新鮮彈牙又大隻，可媲美連鎖的吉列專門店，同樣可配合酸甜醬一起進食。