影片
更多
2022-06-27
42 瀏覽
呢排真係超級忙，都無乜時間外出搵食。 同朋友係呢邊睇開野，見到大街，大當家以前個位轉左做一間幾靚仔既車仔麵，感覺可以一戰！店內都幾闊，舒適。朋友住左幾十年筲箕灣，話係呢區環境最舒服既車仔面店。店內仲有個招牌好有趣。餐牌好多選擇，最平可以三十蚊食到一碗麵。野飲加十蚊，價錢合理。檯邊仲有Poster推薦邊D係金牌配料，細心，一時諗唔到食咩都可以即刻參考。用料有水準我叫左比較少有既瀨粉、滷水豬大腸、滷水豬頸肉同蘿蔔。湯底就係豬骨湯加腩汁加小辣既辣汁。另外再加$2蚊要左菜莆。叫埋野飲，一共$55。先講講個湯底，本身個湯就好鮮，加上腩汁同辣汁， 令到味道更加濃。佢 Menu仲寫住係秘製辣汁，辣得好過癮，果然名不虛傳，好正！再來係麵底， 好多時食到既瀨粉都會斷開， 但呢到keep到一條條又好爽口。 滷水豬大腸，好入味，乾淨，又唔會過肥。滷水甜甜地又食到有少少八角味， 有層次。滷水豬頸肉，用既係同一樣既汁， 但食得出豬頸肉係有烤焗過，邊邊是脆口的，好有心思。蘿蔔更加是清甜，用左嫩的蘿蔔，食落口唔會有渣。飲品又係少見既竹蔗， 清熱解渴。朋友就叫左米線、牛筋、通菜、牛柏葉同水魷，湯底都係豬骨湯加腩汁加小
呢排真係超級忙，都無乜時間外出搵食。 同朋友係呢邊睇開野，見到大街，大當家以前個位轉左做一間幾靚仔既車仔麵，感覺可以一戰！
店內都幾闊，舒適。朋友住左幾十年筲箕灣，話係呢區環境最舒服既車仔面店。店內仲有個招牌好有趣。
餐牌好多選擇，最平可以三十蚊食到一碗麵。野飲加十蚊，價錢合理。檯邊仲有Poster推薦邊D係金牌配料，細心，一時諗唔到食咩都可以即刻參考。
用料有水準
車仔麵
$45
14 瀏覽
0 讚好
0 留言
我叫左比較少有既瀨粉、滷水豬大腸、滷水豬頸肉同蘿蔔。湯底就係豬骨湯加腩汁加小辣既辣汁。另外再加$2蚊要左菜莆。叫埋野飲，一共$55。
先講講個湯底，本身個湯就好鮮，加上腩汁同辣汁， 令到味道更加濃。佢 Menu仲寫住係秘製辣汁，辣得好過癮，果然名不虛傳，好正！再來係麵底， 好多時食到既瀨粉都會斷開， 但呢到keep到一條條又好爽口。 滷水豬大腸，好入味，乾淨，又唔會過肥。滷水甜甜地又食到有少少八角味， 有層次。滷水豬頸肉，用既係同一樣既汁， 但食得出豬頸肉係有烤焗過，邊邊是脆口的，好有心思。蘿蔔更加是清甜，用左嫩的蘿蔔，食落口唔會有渣。飲品又係少見既竹蔗， 清熱解渴。
檸樂
$15
10 瀏覽
0 讚好
0 留言
我都有試下佢叫既野，牛筋標榜係超淋，果然無呃我，入口即溶咁，感覺充滿骨膠原，女士恩物！通菜份量都多，同埋好新鮮。牛柏葉同水魷好爽口彈牙，輕輕用鹽調味已經帶返出海鮮既鮮味。而特飲檸樂，都非常推薦，由其出面33度既高溫，呢到可以比你揀支裝定罐裝可樂，另上一杯冷底加檸檬，飲落去立即Gur晒!
泰式無骨鳳爪
$22
15 瀏覽
0 讚好
0 留言
泰式無骨鳳爪 $22
最意想不到係呢到竟然有呢道小食， 由於天氣太熱，都想食D酸尾尾既野。鳳爪酸辣適中，加上少少蒜味，好野味。佢入面仲保留少少軟骨，好有咬口。呢個價錢黎講性價比都算高！
店內職員態度非常好，同客人會有好多互動，好街坊小店既感覺。可以過來試試！
張貼
