影片
更多
2013-08-23
2053 瀏覽
係銅鑼灣混咗咁耐, 始終覺得無乜邊個地方可以坐得舒舒服服咁hea下...依日同友人想搵個地方坐下飲杯提神啡~ 知道舊G.O.D變左SASA, 裡面間CAFFE HABITU翻新後繼續存在~ 所以就特意入去睇下咩環境 經過SASA門口D sales姐姐既一輪糾纏, 搭上自動電梯直上1樓~ 見到重新裝修過後既caffe habitu, 已急不及待同友人講 "就依間啦!"木系裝修, 雲石枱加上宮廷式既櫈未坐底已經覺得舒服 但眼見人手方面好似唔係好夠! 我同友人係門口示意想入坐都無人理我地, 有一個serve緊客, 另一個就搵緊餐具...心急的我就直接拉埋友人行入去搵個姐姐攞張靠牆2人枱~ 等左無耐就有另一個waitress 遞上menu, 同我地講每人最低消費HK$50. 環境咁舒服要有最低消費都尚算合理!原本只想飲杯野, 但為了籌夠最低消費, 諗住叫個粗薯條試下, 但價錢真係唔太合理, 要$68!!! end up飽到上心口既我倆叫左個平少少, 盛惠$48既dessert share下!我地首先點選左依杯最啱夏天飲既波蘿熱情果滑冰~ 酸酸甜甜確實開胃醒神 d 冰亦打到好smooth,
依日同友人想搵個地方坐下飲杯提神啡~ 知道舊G.O.D變左SASA, 裡面間CAFFE HABITU翻新後繼續存在~ 所以就特意入去睇下咩環境 經過SASA門口D sales姐姐既一輪糾纏, 搭上自動電梯直上1樓~ 見到重新裝修過後既caffe habitu, 已急不及待同友人講 "就依間啦!"
木系裝修, 雲石枱加上宮廷式既櫈未坐底已經覺得舒服 但眼見人手方面好似唔係好夠! 我同友人係門口示意想入坐都無人理我地, 有一個serve緊客, 另一個就搵緊餐具...心急的我就直接拉埋友人行入去搵個姐姐攞張靠牆2人枱~ 等左無耐就有另一個waitress 遞上menu, 同我地講每人最低消費HK$50. 環境咁舒服要有最低消費都尚算合理!
原本只想飲杯野, 但為了籌夠最低消費, 諗住叫個粗薯條試下, 但價錢真係唔太合理, 要$68!!! end up飽到上心口既我倆叫左個平少少, 盛惠$48既dessert share下!
我地首先點選左依杯最啱夏天飲既波蘿熱情果滑冰~ 酸酸甜甜確實開胃醒神 d 冰亦打到好smooth, 完全唔洗點咬就吞得!
另外, 我地亦都點咗杯cafe latte~ 有分大size 同細size, 只差$2當然整杯大既嘆下 ~_~ 心心拉花好靚唷, 襯晒依度既裝修~ 但衰在唔夠熱...即刻大打折扣
最後亦都點咗依個波蘿千層酥~ 賣相真係一流! 但食落就...心想下次唔會encore @_@ 太甜太陋了! d波蘿本身已經浸過類似黃糖味既糖水, 已經甜到無人有, 撈埋d 類似custard但又有陣怪酸味的沙律醬, 真係另人唔想再食第二啖 嘗試隔開d醬, 食個塊酥餅...一d都唔脆仲要隱約有陣油抑味>_< 雖則坐得舒服, 但價錢偏貴! 因為caffe坐落係SASA裡面, 令我覺得好似想直接"劏"係 SASA買完野既自由行多d
張貼
